三台山e風 (2書＋2CD)

《三台山ê風》序文

挑動心肝芛仔的月琴聲

周定邦

He是有chi̍t kái kap丁順伯做伙ê經驗。

阮nn̄g个人tī in tau ê廳，kan-na阮nn̄g个人，tī三台山半嶺hit間低厝仔ê廳。丁順伯伊坐the tī hit giâu藤仔椅頂，gia̍h一枝月琴，阮本chiâⁿ leh開講，有chi̍t-táu-mí-á nn̄g个人lóng tiām-tiām，無話無句，伊雄雄開始彈琴，彈恆春民謠ê曲調，kài-sêng是四季春a̍h-sī五孔á，nā無tio̍h是楓港調仔，hit款琴聲，chok憂悶，kài親像月琴gia̍h一枝毛筆leh thio振動藏tī咱心肝芛仔--lìn ê共鳴器，hō͘咱ê心肝tòe he琴聲kiōng-beh iô͘ⁿ--去，ē ngiau，chok好，koh chok感動，ná像kui个人thǹg theh-theh kō͘琴聲leh洗tn̄g eng-ia ê靈魂。Tō是chit款琴聲hō͘我氣力，kā傳承恆春民謠āiⁿ做chit世人ê使命。                

今仔日咱kā丁順伯ê民謠the̍h來kap ta̍k-ê分享，sio-siāng koh ē-tàng聽tio̍h hit款感動。雖罔阮師傅sai-á ê生活經驗無仝，咱mā真oh去體會伊hit款艱苦人仔ê過日，m̄-koh ùi伊留落來ê聲音，咱得tio̍h共鳴ê感動，hō͘咱ê心肝芛仔chiâu振動，hō͘咱目屎kâm目墘。

Ǹg望ta̍k-ê mā ē-tàng tī chit phō專輯chhōe tio̍h hit款kā你ê心肝芛仔挑振動的月琴聲。

2022.7.15台南

《三台山ê風》序文（華文版）

挑動心坎的月琴聲

周定邦

那是有一次和丁順伯在一起的經驗。

我們兩人在他家的客廳，只有我們兩個人，在三台山半山腰那間矮房子的客廳。丁順伯坐靠在那條藤椅上，拿著一把月琴，本來我們在聊天，有一下子兩個人都靜靜的，無言無語，忽然他開始彈琴，彈恆春民謠的曲調，好像是四季春或五孔小調，不然就是楓港調仔，那種琴聲，很憂悶，宛如月琴拿著一枝毛筆在挑動藏在心坎裡的共鳴器，使得我的內心伴著那琴聲差點被熔化，更且心中蠢蠢欲動，非常地震撼，整個人像裸著身子，混著琴聲，在洗滌蒙塵的靈魂。就是這樣的琴聲給我力氣，把恆春民謠的傳承揹著，成為一輩子的使命。

今天我把丁順伯的民謠拿來和大家分享，一樣可以再聽見那份感動。雖然我們師徒的生活經驗不同，我也很難去體會他那種艱苦的日子，不過從他留下來的聲音，我得到了共鳴的感動，使得我的心隨著琴聲撼動，眼眶充滿淚水。

但願大家也能在這部專輯裡找到那種挑動你心坎的月琴聲。

2022.7.15台南

《島嶼戀歌》作者序（華文版）

記一條月琴路

周定邦

1999 年， 人生大變化。為tio̍h學唸歌我來kàu 恆春半島，tī 三台山半嶺ê 所在， 走chhōe 土地ê 聲sàu，tútio̍h 丁順伯用月琴tī 伊厝頭前hit 欉毛柿樹腳chhōa我行入恆春民謠ê 世界。

2021 年， 想beh gia̍h 月琴做筆來tò͘ 畫chit 段pē-kiáⁿ情，kā 行-- 過hit phò͘ 月琴路，kō͘ 恆春民謠永遠記tī 心肝頭，khǹg tī 《三台山ê 風》chit phō 專輯內底。

Só͘-pái，chit phō 專輯有我開始學民謠ê 歷史聲音，有我ùi Sū-siang-ki kàu 平埔調、五空小調kàu 四季春、楓港小調ê 學藝腳跡，有the̍h 恆春半島人文景緻khí-khiàn，伯仔ê ǹg 望kap 傳承ê 使命leh 呼喚ê 詩篇，有伯仔留tī世間siōng 

hông 懷念ê 音聲，mā 有我kō͘ 台灣唸歌創作ê 伯仔ê 傳奇一生，koh 有siàu 念故鄉ê 夢中情懷：青鯤鯓記事ê 歌詩。

Che 是1 phō 記錄台灣人疼惜土地，tī 咱ê 血--lìn leh thiàu-liòng ê 自然旋律，有歡喜、有憂愁，mā 有幸福。

《島嶼戀歌》作者序（華文版）

記一條月琴路

周定邦

1999 年，人生大變化。為了學習唸歌我來到恆春半島，在三台山半山腰的地方，找尋土地的聲息，遇到丁順伯用月琴在他屋前那棵毛柿樹下，引領我走入恆春民謠的世界。

2021 年，想提月琴為筆來描繪這段父子情，把走過那條月琴路，用恆春民謠永遠記在心頭，收在《三台山ê風》這部專輯裡。

因此，這部專輯有我開始學民謠的歷史聲音，有我從思雙枝到平埔調、五空小調到四季春、楓港小調的學藝足跡，有取恆春半島人文景緻為興，伯仔的期盼和傳承的使命在呼喚的詩篇，有伯仔留在世間最令人懷念的聲音，也有我以台灣唸歌創作的伯仔的傳奇一生，還有思念故鄉的夢中情懷：青鯤鯓記事的詩歌。

這是一部記錄台灣人疼惜土地，在我們血液裡跳躍的自然旋律，有歡喜、有憂愁，也有幸福。